A-Z Lyrics Database
Welcome! Login | Register
Lyrics   »   L   »   Linton Kwesi Johnson Lyrics   »   Di Good Life Lyrics

Linton Kwesi Johnson - Di Good Life Lyrics

Font:      
Align:    
  • Sowshallism
  • is a wise ole shephad
  • im suvvie tru flood
  • tru drout
  • tru blizad
  • somme people seh
  • im a two hundred an odd years ole
  • addah people seh
  • notn noh goh soh
  • dat im a jus seventy odd years ole
  • some seh im is a ghost
  • some seh im is a sage
  • but nohbady noh really know
  • im riteful age ar whey im come fram
  • fateful is im flock
  • from di ewe to di ram to di Iam
  • rite tru tick an tin
  • dem mostly cling to im
  • awftah all
  • noh im guide an sheltah an proteck dem ?
  • ( sometime a dem haffi proteck im dow
  • like ow a dem haffi proteck im now )
  • look ow im stretch out pan im back
  • pan di brown grass
  • di white hair pan im branze hed
  • like a kushan gense di weepin willow tree
  • lookin bedraggled an tin
  • like seh life done wid im
  • like seh im is totally at peace widin
  • noh baddah goh feel sarry fi im
  • ar goh tink poor ting
  • nat a ting noh dhu im
  • all dat really happn
  • is dat due to di heat a di time
  • like lickle bwoy blue im drap asleep
  • an a dream bout lickle bow peep
  • an wan an two a im flock dem drif a way
  • while di addah ism dem
  • jus a watch an a peep
  • jus a crawl an a creep
  • an noh baddah ask if dem naw mek fun
  • fi canfuse an cansume all di stray dem
  • but evryting is jus fi a time
  • soon di flack wi tek a stack an surmise
  • ow far fram di fole dem a stray
  • wen dem site ow di pack jus a staak dem
  • dem wi come back togeddah wance agen
  • an shephad di sage to a highah graun
  • whichpawt di graas is greenah an sweetah
  • whichpawt di breeze blo

    • Report error in lyric




    The Di Good Life lyrics by Linton Kwesi Johnson is property of their respective authors, artists and labels and are strictly for non-commercial use only.
    Copyright © 2009-2026 Azlyricdb.com. All Rights Reserved | Privacy policy | Blog
    You are now viewing Linton Kwesi Johnson Di Good Life Lyrics