A-Z Lyrics Database
Welcome! Login | Register
Lyrics   »   L   »   Linton Kwesi Johnson Lyrics   »   Sense Outa Nansense Lyrics

Linton Kwesi Johnson - Sense Outa Nansense Lyrics

Font:      
Align:    
  • di innocent an di fool could paas fi twin
  • but haas a haas
  • an mule a mule
  • mawgah mean mawgah
  • it noh mean slim
  • yet di two a dem in common share someting
  • dem is awftin confused an get used
  • dem is awftin criticised an campramised
  • dem is awftin villified an reviled
  • dem is awftin foun guilty widoutn being tried
  • wan ting set di two a dem far apawt dow
  • di innocent wi habah dout
  • check tings out
  • an maybe fine out
  • but di fool.............cho!
  • di innocent an di fool could paas fi twin
  • but like a like
  • an love a love
  • a pidgin is a pidgin
  • an a dove is a dove
  • yet di two a dem in common share someting
  • dem is awftin anticipated an laywated
  • dem is awftin patronised an penalised
  • dem is awftin paccified an isolated
  • dem is awftin castigated an implicated
  • wan ting set di two a dem far apawt dow
  • di innocent wi habah dout
  • check tings out
  • an maybe fine out
  • but di fool.............cho!
  • di innocent an di fool could pass fi twin
  • but a rat is a rat
  • an a mouse is a mouse
  • a flee is a flee
  • an a louse is a louse
  • yet di two a dem in common share someting
  • dem is awftin decied an denied
  • dem is awftin ridiculed an doungroded
  • dem is sometimes congratulated an celebrated
  • dem is sometimes suprised an elated
  • but as yu mite have already guess
  • dem is awftin foun wantin more or less

    • Report error in lyric




    The Sense Outa Nansense lyrics by Linton Kwesi Johnson is property of their respective authors, artists and labels and are strictly for non-commercial use only.
    Copyright © 2009-2026 Azlyricdb.com. All Rights Reserved | Privacy policy | Blog
    You are now viewing Linton Kwesi Johnson Sense Outa Nansense Lyrics