A-Z Lyrics Database
Welcome! Login | Register
Lyrics   »   L   »   Linton Kwesi Johnson Lyrics   »   Reggae Fi Dada Lyrics

Linton Kwesi Johnson - Reggae Fi Dada Lyrics

Font:      
Align:    
  • galang dada
  • galang gwwaan yaw sah
  • yu nevvah ad noh life fi live
  • jus di wan life fi give
  • yu did yu time pan ert
  • yu nevvah get yu jus dizert
  • galang goh smile inna di sun
  • galang goh satta inna di palace af peace
  • o di waatah
  • it soh deep
  • di waatah
  • it soh daak
  • an it full a hawbah shaak
  • di lan is like a rack
  • slowly shattahrin to san
  • sinkin in a sesa af calamity
  • where fear breed shadows
  • dat lurks in di daak
  • where people fraid fi waak
  • fraid fi tink fraid fi taak
  • where di present is haunted by di pass
  • a deh soh mi bawn
  • get fi know bout staam
  • learn fi cling to di dawn
  • an wen mi hear mi daddy sick
  • mi quickly pack an tek a trip
  • mi nevvah have noh time
  • when mi reach
  • fi si noh sunny beach
  • wen mi reach
  • jus people a live in shack
  • people livin back-to-back
  • mongst cackroach an rat
  • mongst dirt an dizeez
  • subjek to terrorist attack
  • political intrigue
  • kanstant grief
  • an noh sign af relief
  • o di grass
  • turn brown
  • soh many trees
  • cut doun
  • an di lan is ovahgrown
  • fram country to toun
  • is jus tissel an tawn
  • inna di woun a di poor
  • is a miracle ow dem endure
  • di pain nite an day
  • di stench af decay
  • di clarin sights
  • di guarded affluence
  • di arrogant vices
  • cole eyes af kantemp
  • di mackin symbals af independence
  • a deh soh mi bawn
  • get fi know bout staam
  • learn fi cling to di dawn
  • an wen di news reach mi
  • seh mi wan daddy ded
  • mi ketch a plane quick
  • an wen mi reach mi sunny isle
  • it woz di same ole style
  • di money well dry
  • di bullits dem a fly
  • plenty innocent a die
  • man

    • Report error in lyric




    The Reggae Fi Dada lyrics by Linton Kwesi Johnson is property of their respective authors, artists and labels and are strictly for non-commercial use only.
    Copyright © 2009-2026 Azlyricdb.com. All Rights Reserved | Privacy policy | Blog
    You are now viewing Linton Kwesi Johnson Reggae Fi Dada Lyrics